Føroya løgmaður
Bárður á Steig Nielsen

Bárður á Steig Nielsen varð valdur til løgmann 14. september 2019.

Sum løgmaður hevur hann ábyrgd av stýrisskipanarmálum og fyrisiting.

Løgmaður stjórnar starv landsstýrismanna og boðar í hesum sambandi regluliga til landsstýrisfundar.

Royndir sum landsstýrismaður

Bárður á Steig Nielsen er føddur í Vestmanna tann 16.apríl 1972.

Hann er giftur Rakul Nielsen, fødd Lamhauge. Tey eiga fýra børn og búgva í Vestmanna.

Hann er útbúgvin grannskoðari, og hevur seinastu árini starvast sum fíggjarstjóri.

Bárður á Steig Nielsen var landsstýrismaður í fíggjarmálum frá 2004 til 2007. Hann varð fyrstu ferð valdur á Løgting 30.apríl 2002.

Hann hevur verið formaður í Sambandsflokkinum síðan 2015.

Hann er sætti løgmaður hjá Sambandsflokkinum, síðani Heimastýrislógin varð sett í gildið í 1948.

Løgmaður hevur eftirlit

Á landsstýrisfundum verða m.a. øll uppskot landsstýrisins til løgtingslógir, ríkislógartilmæli og eykajáttanir framløgd, áðrenn tey verða løgd fyri Løgtingið. Løgmaður hevur eftirlit við, at hvør einstakur landsstýrismaður situr fyri sínum málsøki á lógligan og fullgóðan hátt.