Løgmansskrivstovan er skipað í ritaraeind, samskifti, serfrøðingar, umsiting, lógartænastu, HR/stjórnarskúla umframt eitt stjórnartænastutoymi.
Ritaraeindin Ritaraeindin er forskrivstova løgmans og løgmansstjórans.
Samskifti Kunningarráðgevi løgmans hevur um hendi samskifti við miðlar, kunning og røðuskriving.
Serfrøðingar Umframt áðurnevnda hevur Løgmansskrivstovan fimm serligar ráðgevar, sum arbeiða við økjunum:
Búskapur
Innlendisviðurskifti
Løgfrøði og stýrisskipan
Uttanríkismál
Umsiting, bygningar og tænasta Umsitingin situr fyri bókhaldi, roknskapi, fíggjarstýring, journal/skráseting, KT, umsiting av ognum í Tinganesi, móttøku, matstovu og politiskari upplýsing.
Lógartænastan Lógartænastan ráðgevur aðalráðum í lógartøkniligum spurningum. Lógartænastan eftirkannar eitt nú lógaruppskot, kunngerðir, rundskriv, leiðbeiningar o.a., sum aðalráðini senda lógartænastuni.
HR/stjórnarskúli HR-ráðgevin er staðsett á Løgmansskrivstovuni, men arbeiðir tvørtur um aðalráð og er ráðgevi í HR viðurskiftum, skipar fyri starvsfólkamenning, stjórnarskúla og hevur harumframt aðrar HR-uppgávur.
Stjórnartænastutoymi Starvsfólk á Løgmansskrivstovuni loysa natúrliga uppgávur tvørtur um bygnaðin og eru tí - umframt bygnaðaryvirlitið omanfyri - eisini skipað í eitt stjórnartænastutoymi, ið tekur sær av skrivstovuhaldi hjá landsstýrinum og umsitur landsstýrisfundir, løgmansfundir, landsstýrisseminar og annað virksemi, ið hevur at gera við stjórnarsamskipan.
