Uppskot til løgtingslóg um Tignarmerki Føroya
Løgmansskrivstovan sendir við hesum uppskot til løgtingslóg um Tignarmerki Føroya til ummælis.
Løgtingið samtykti 28. apríl 2022 at heita á landsstýrið um at leggja fyri Løgtingið uppskot til løgtingslóg um eitt føroyskt heiðurstekin, sum kann latast persónum fyri merkisvert arbeiði ella gerning, ið gagnar landi og fólki og tænir Føroyum.
Við støði í løgtingssamtyktini varð ein nevnd sett at gera uppskot um eina føroyska heiðursteknaskipan. Nevndin handaði løgmanni álitið Álit um føroyskt heiðurstekin á flaggdegnum 25. apríl 2026.
Við lógaruppskotinum verður mælt til at seta á stovn eina føroyska heiðursteknaskipan við heitinum Tignarmerki Føroya.
Endamálið er at geva landinum møguleika at heiðra persónar fyri fyrimyndarlig, merkisverd og serstøk avrik, ið gagna landi og fólki og tæna Føroyum ella umheiminum.
Møguligar viðmerkingar verða at senda lms@lms.fo
Uppskot Til Løgtingslóg Um Tignarmerki Føroya 
Álit Um Føroyskt Heidurstekin 25. April 2026