Við jøvnum millumbilum er løgmaður á vitjanum kring landið. Í heyst varð vitjað norðanfyri, og í gjár gekk leiðin til Suðuroynna. Endamálið við túrinum er hitta fólk í øllum aldursbólkum og hoyra ymiskar áskoðanir um viðurskifti, sum fylla í nærumhvørvinum.
Blíðskapur, spennandi vitjanir og góð prát
Dagurin byrjaði á skúladeplinum, har løgmaður vitjaði Miðnámsskúlan og Heilsuskúlan. Leiðin gekk síðani til Sev í Porkeri, handilin hjá Seyvari í Vági og hølini hjá Suðuroyar Norðara Bjargingarfelag í Nesi. Dagurin endaði á Tvøroyri við fundi og døgurða saman við øllum borgarstjórunum í Suðuroy.
Løgmaður takkar fyri stóra blíðskapin, áhugaverdar framløgur, kjak og prát, ið myndaðu dagin.
Myndir frá degnum
Næmingar á Miðnámskúlanum og Heilsuskúlanum høvdu fyrireikað seg væl at taka ímóti løgmanni og settu nógvir sera viðkomandi spurningar. Prát og spurningar snúðu seg um eitt nú framtíðina í Suðuroynni, politikk, næmingaheim og løn undir útbúgving.
Løgmaður vitjaði eisini báðar skúlarnar og fekk millum annað kunning frá starvsfólkunum um spennandi møguleikar at menna fleiri skúlatilboð á Skúladeplinum í Suðuroynni. Løgmaður saman stjóranum á Heilsuskúlanum, Vivie Davidsen, og rektaranum á Miðnámskúlanum, Rósa Heinesen.
SEV greiddi frá ” Suðuroynni – sum grøn royndarstova” og spennandi grønu tøkunum fyri framman. Vitjað varð somuleiðis í vindmyllulundini í Porkerishaganum.
Umframt góð prát saman við Seyvari og øðrum, fekk løgmaður millum annað møguleika at síggja Ruth Smith-savnið.
Løgmaður saman við pørtum av manningini hjá Bjargingarfeløgunum i sunnaru og norðaru helvt av Suðuroynni.
Løgmaður saman við borgarstjórunum í Suðuroynni. Á fundinum vórðu týdningarmikil evni umrødd, so sum framtíðarútlit hjá oynni, eldraøkið og samferðsla.