Løgmansskrivstovan bjóðar út uppgávuna at hava flagging í Tinganesi um hendi.
Fyritøkur og einstaklingar kunnu bjóða. Tilboðsgevari skal vera til reiðar at taka uppgávuna á seg frá og við leygardegnum 1. mai 2021.
Les meira um uppgávuna í útbjóðingartilfarinum her.
Uppgávan er í høvuðsheitum lýst í “kunngerð nr. 52 frá 23. apríl 2003 um flagging frá landsins bygningum”.
Kunngerðin byggir á “løgtingslóg nr. 42 frá 17. juli 1959 um flaggið, sum broytt við løgtingslóg nr. 109 frá 29. desember 1998”.
Freistin at geva tilboð er hósdagin 15. apríl 2021 kl. 13. Tilboð skal sendast til lms@lms.fo.
Spurningar kunnu sendast til teldupost lms@lms.fo.